ശ്രീ രാഗമോ തേടുന്നു നീ | Sree ragamo | kukslyrics

 Song: Karaoke:

Film 📽:   പവിത്രം (1994)
Music 🎼 : ശരത്ത്
Lyrics ✍ : ഒ എൻ വി കുറുപ്പ്
Singer 🎤: കെ ജെ യേശുദാസ്

ശ്രീ രാഗമോ തേടുന്നു നീ
ഈ വീണ തൻ പൊൻതന്തിയിൽ
സ്നേഹാർദ്രമാം ഏതോ പദം
തേടുന്നു നാം ഈ നമ്മളിൽ
നിൻ മൗനമോ പൂമാനമായ്
നിൻ രാഗമോ ഭൂപാളമായ്
എൻ മുന്നിൽ നീ പുലർ കന്യയായ്

ശ്രീ രാഗമോ തേടുന്നു നീ
ഈ വീണ തൻ പൊൻതന്തിയിൽ

 

ധ_നിധ_പ മപധനി_ധപ, മഗരിഗമപധനിസരിമഗരിസനിധപമഗരി
രിഗമപ ധ, സരിഗമ പ, നിസരിഗ മ, പക്കാല

സരിഗമപ_ ധനിധപധ_ ധനിഗരിനീ_ നിധമഗരി
സരിഗമ_ രിഗമപ_ ഗമപധ_ മപധനി
ഗരി_ രിസ_ സനി_ നിധ_ ധപ
ഗരി, രിസ, സനി, നിധ, ധപ
ഗരിരിസസനിനിധധപ
ഗരിസനിധപ സരിഗമപ രിഗമപധ ഗമപധനി

ഗരി സനിധ, രിസ നിധപ, സനി ധപധ

രി ഗമപധ, സ രിഗമപ, നിസരിഗമ പക്കാല

 

പ്ലാവിലപ്പൊൻ തളികയിൽ
പാൽപ്പായസ ചോറുണ്ണുവാൻ
പിന്നെയും പൂമ്പൈതലായ് കൊതി
തുള്ളി നിൽക്കുവതെന്തിനോ
ചെങ്കദളിക്കൂമ്പിൽ ചെറു തുമ്പിയായ് തേനുണ്ണുവാൻ
കാറ്റിനോടു കെഞ്ചി ഒരു നാട്ടു മാങ്കനി വീഴ്ത്തുവാൻ
ഇനിയുമീ തൊടികളിൽ കളിയാടാൻ മോഹം

ശ്രീ രാഗമോ തേടുന്നു നീ
ഈ വീണ തൻ പൊൻതന്തിയിൽ

 

കോവിലിൽ പുലർ വേളയിൽ ജയദേവ ഗീതാലാപനം
കേവലാനന്ദാമൃത ത്തിരയാഴിയിൽ നീരാടി നാം
പുത്തിലഞ്ഞിച്ചോട്ടിൽ മലർമുത്തു കോർക്കാൻ പോകാം
ആനകേറാ മേട്ടിൽ ഇനി ആയിരത്തിരി കൊളുത്താം
ഇനിയുമീ തൊടികളിൽ കളിയാടാൻ മോഹം

ശ്രീ രാഗമോ തേടുന്നു നീ
ഈ വീണ തൻ പൊൻതന്തിയിൽ